پۋتيننىڭ الداعى بىشكەك ساپارىنىڭ قىرعىزستاننىڭ سايلاۋىنا قاتىسى بار. ورتالىق ازيا ماسەلەلەرىنىڭ ساياسي ساراپشىسى رەسەي پرەزيدەنتىنىڭ بىشكەككە جاسايتىن الداعى ساپارىن قىرعىزستاننىڭ كەلەسى سايلاۋىمەن بايلانىستىردى، دەپ حابارلايدى “فارس” ءباسپاسوزى.
مارس ساريەۆ "فارس" اقپارات اگەنتتىگىنە بەرگەن سۇحباتىندا رەسەي پرەزيدەنتى ۆلاديمير ءپۋتيننىڭ 28- ءشى اقپانعا جوسپارلاپ وتىرعان بىشكەك ساپارىن قىرعىزستان رەسپۋبليكاسىندا قىركۇيەك ايىندا وتەتىن سايلاۋعا بايلانىستى ماڭىزدى دەپ اتاپ، ەكى جاقتى جانە ايماقتىق بايلانىستارعا شولۋ جاساۋ مەن قىرعىزستاننىڭ ەۋرازيا ەكونوميكالىق وداعىنا كەزەكتى توراعالىعى تاقىرىبىن پۋتيننىڭ المازبەك اتامباەۆ جانە قىرعىزستاننىڭ جوعارى دەڭگەيلى وزگە باسشىلارىمەن كەلىسسوزدەرىنىڭ وزەكتى تاقىرىپتارى بولاتىنىن ايتىپ: «قىرعىزستاننىڭ كەيبىر اقپارات قۇرالدارى ءپۋتيننىڭ بىشكەككە ساپارىمەن وسى ەلدەگى كەلەسى پرەزيدەنتتىك سايلاۋ ءۇشىن ساياسي كۇرەستەر باستالادى دەپ سانايدى» دەدى.
قىرعىزستاننىڭ زاڭدارى بويىنشا قازىرگى پرەزيدەنت المازبەك اتامباەۆ الداعى پرەزيدەنتتىك سايلاۋعا قاتىسا المايدى. وسىدان بۇرىن قىرعىزستان ءسىم رەسەي پرەزيدەنتى ۆلاديمير ءپۋتيننىڭ قىرعىزستان، قازاقستان جانە تاجىكستان ەلدەرىنە كەزەكتى ساپار شەگەتىنىن حابارلادى. ول وسى ساپاردا قىرعىزستاننىڭ جوعارى دەڭگەيلى قايراتكەرلەرى مەن وسى ەلدىڭ پرەزيدەنتتىك سايلاۋدان كەيبىر ۇمىتكەرلەرىمەن كەزدەسپەك.
«The Qazaq Times»
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟
اركتيكاداعى "ۇلى ويىن": جاڭا كەزەڭ باستالدى
قىتاي مەن رەسەيدىڭ جاڭا ديپلوماتيالىق بەلسەندىلىگى: الەمدىك تارتىپكە اسەرى
ءۇندىستان مەن پاكىستان اراسىنداعى شيەلەنىس باسەڭدەدى، بىراق قاۋىپ سەيىلگەن جوق
ورتا شىعىستا جالعاسا بەرەتىن قاقتىعىس: يران مەن يزرايل اراسىنداعى ۇزىلمەيتىن تەكەتىرەس
ۋكراينا–رەسەي سوعىسى: 2025 جىلعى كوكتەمگى جاعدايعا گەوساياسي جانە اسكەري تالداۋ