شۋ ماڭىندا الماتى-استانا باعىتىنداعى «بايتەرەك» پويىزى اۋدارىلدى. اپاتتان ءبىر بالا قازا تاۋىپ، تاعى 14 جولاۋشى دەنە جاراقاتتارىن العان. ازىرگە پويىزدىڭ شويىن جولدان شىعۋ سەبەبى انىقتالعان جوق. وقيعا ورنىندا ارنايى قۇرىلعان كوميسسيا جۇمىس ىستەپ جاتىر.

ماماندار پويىزدىڭ رەلستەن شىعىپ كەتۋىنە - تىزگىنشىنىڭ بۇرىلىس كەزىندە جىلدامدىقتى ازايتىپ ۇلگەرمەگەنى سەبەپ بولۋى مۇمكىن دەيدى. الايدا بۇل تەك بولجام عانا. اپاتتان زارداپ شەككەندەر جامبىل وبلىستىق اۋرۋحاناسىنا جەتكىزىلگەن ەكەن. دارىگەرلەر بارلىعىنا العاشقى كومەك كورسەتىپ، بىرەۋىن ەمدەۋ مەكەمەسىنە جاتقىزعان. قالعاندارى ۇيلەرىنە جىبەرىلىپتى. ال، قازا تاپقان جەتكىنشەك نەبارى 13 جاستا بولعان ەكەن.

«قازاقستان تەمىر جولى» كومپانياسىنىڭ باسشىلىعى جولاۋشىلاردىڭ شىعىنىن تولىق وتەپ بەرۋگە كەلىسكەن. ولار جارتى جولدا قالىپ قويعان ادامداردى الماتىعا كەرى جەتكىزىپ، مەديتسينالىق كومەككە مۇقتاج بولعاندارعا جاردەم كورسەتىپتى.

“The Qazaq Times”