تۇركىمەنستاندا نان تولقۇجات ارقىلى ساتىلۋدا

تۇركىمەنستاننىڭ استاناسى اشحابادتاعى مەملەكەتتىك دۇكەندەرىندە ازىق-تۇلىك كەزەگى تولاستاماۋدا. ال، وزگە دە وبلىستاردا نان تەك تولقۇجات بويىنشا ساتىلۋدا، - دەپ حابارلايدى ازاتتىقتىڭ تۇرىكمەن رەداكتسياسى.

"قازىرگى تاڭدا قالادا قانت، ۇن، كۇنباعىس مايى سىندى نەگىزگى ازىق-تۇلىكتەر وتە تاپشى. ازىق-تۇلىكتەر تەك ەرەسەكتەرگە عانا، وندا دا شەكتەۋلى كولەمدە ساتىلۋدا. تۇرعىنداردىڭ سوزىنشە، ادام باسىنا ءۇش كيلوگرام ۇن ساتىپ الۋ ءۇشىن جۇرت ءبىر اي بۇرىن كەزەككە جازىلىپ قويادى. سوندىقتان دا، كەيبىر اۋدانداردا نان تەك جەرگىلىكتى تۇرعىندارعا ساتىلادى. كورشى اۋدانداردان كەلگەندەرگە نان ساتپاۋ ماقساتىندا، دۇكەندە ساۋدا تەك تولقۇجاتتار ارقىلى جۇزەگە اسىرىلادى", - دەپ حابارلايدى اگەنتتىك.

ايتا كەتۋ كەرەك، تۇركىمەنستاننىڭ نەگىزگى ەكسپورتتىق تاۋارى — گاز باعاسىنىڭ تومەندەۋىنىڭ سالدارىنان، ەلدە ەكونوميكالىق داعدارىس ءورشىپ تۇر. ودان بولەك، جۇمىسسىزدار سانى دا ارتا تۇسكەن. ال، نان تابۋ ماقساتىندا سىرت مەملەكەتتەرگە كەتۋدى قالاعاندار ءتۇرلى كەدەرگىلەرگە دۋشار بولۋدا. ماسەلەن، اشحابات اۋەجايىندا ناقتى سەبەبىن تۇسىندىمەيىنشە، ازاماتتار حالىقارالىق اۋە رەيستەرىنە جىبەرىلمەۋدە.

“The Qazaq Times”