دۋبايدا رامازان ايىنىڭ قۇرمەتىنە ەڭ ۇلكەن اۋىزاشار ۇيىمداستىرىلدى. اتالعان شارا الەمدەگى "ەڭ ۇزىن داستارحانى" ءۇشىن گيننەستىڭ رەكوردتار كىتابىنا ەندى، - دەپ حابارلايدى امىرلىكتىڭ gulfnews.com باسىلىمى. اۋىزاشارعا جايىلعان داستارحاننىڭ ۇزىندىعى 6 شاقىرىمدى قۇرايدى. 
اۋىزاشاردى دۋباي پوليتسيا وكىلدەرى ۇيىمداستىرعان. قايىرىمدىلىق شاراسى رەتىندە وتكەن اۋىزاشار نەگىزىنەن ءۇندىستان، شري-لانكا، پاكىستان، قىتاي، فيليپپين جانە ازيالىق وزگە دە ەلدەردەن كەلگەن 12 830 جۇمىسشىلارعا جايىلدى. تاعامداردىڭ دايىندالۋىنا 35 مەيرامحانا جانە مەملەكەتتىك ءتۇرلى قۇرىلىمداردان جينالعان 500 ەرىكتى اتسالىسقان. تۇتاس العاندا 200 ساعاتقا سوزىلعان شارا اۋقىمدىلىعى مەن بىرەگەيلىگى تۇرعىسىنان گيننەستىڭ رەكوردتار كىتابىنا ەندى.