ەلىمىزدە جىل باسىنان بەرى 100 ملرد تەڭگە يگەرىلمەگەن. بۇل تۋرالى ۇكىمەت وتىرىسىندا پرەمەر-مينيستر باقىتجان ساعىنتاەۆ ايتتى. ۇكىمەت باسشىسى مەملەكەتتىك بيۋدجەتتەن ءبولىنىپ، ءجوندى يگەرىلمەي جاتقان قاراجاتتى ەندى ەل قازىناسىنا قايتارىپ الۋعا جەڭ تۇرە كىرىسەتىنىن ءسوز ەتتى. 

"ەكونوميكادا يگەرىلمەگەن 100 ملرد تەڭگە بار. وسى اقشانى ەندى قاجەتتى سالالاردى دامىتۋ ءۇشىن ەل قازىناسىنا قايتارىپ الامىز. اكىمدەر ەسەپ بەرگەندە بارلىعى جاقسى، تۇرالاعان سالا جوق دەپ وزەۋرەيدى. شىنتۋايتىندا، مەملەكەتتەن بولىنگەن اقشا دۇرىس جۇمسالماي جاتىر. سوندىقتان ەلباسىنىڭ جانە حالىقتىڭ الدىندا وزدەرىڭ جاۋاپ بەرەسىڭدەر!" - دەدى، ساعىنتاەۆ.

قازىر ەلىمىزدە ءوندىرىس، اۋىل شارۋاشىلىعى جانە قۇرىلىس سالالارى قارقىندى دامىپ جاتىر ەكەن. يگەرىلمەگەن قاراجات بۇدان بىلاي وسى سالالاردى ىلگەرىلەتە بەرۋگە جۇمسالماق.

“The Qazaq Times”