قادىر تۇنىندە مەنينگوكوك ينفەكتسياسىنىڭ تارالۋى قاۋپى باسىم. مۇنى  ەلىمىزدىڭ باس سانيتار دارىگەرى جانداربەك بەكشين ەسكەرتتى.

ونىڭ ايتۋىنشا، ادامدار 5-6 ساعات جابىق كەڭىستىكتە بىرگە وتىرادى. ارالارىندا جۇقپالى اۋرۋعا شالدىققاندار بولسا، باسقالارى دا قاپىدا قاۋىپتى دەرتكە دۋشار بولۋى مۇمكىن دەيدى. سوندىقتان باس سانيتار وتانداستارىمىزعا ساقتىق شارالارىن ۇمىت قالدىرماۋدى ەسكەرتتى. ودان بولەك، قازاقستان مۇسىلماندارى ءدىني باسقارماسىنىڭ وكىلدەرى مەن دەنساۋلىق ساقتاۋ مينيسترلىگى مەنينگيتتىڭ الدىن الۋ ءۇشىن مەشىتتەردى زالالسىزداندىرۋ ماسەلەسىن بىرلەسە قولعا الماق. ولار اللا ءۇيىن دەزيفەكتسيالاپ، جەلدەتكىشتەر ورناتپاق. ىستەن شىققاندارىن قادىر تۇنىنە دەيىن اۋىستىرۋعا تىرىسادى.

بيىلعى قادىر ءتۇنى ماۋسىم ايىنىڭ 11-نەن 12-نە قاراعان تۇنىنە تۇسپا-تۇس كەلىپ وتىر.

“The Qazaq Times”