رەسەي پرەزيدەنتى ۆلاديمير پۋتين.

رەسەي پرەزيدەنتى ۆلاديمير پۋتين: «ءۇشىنشى دۇنيەجۇزىلىك سوعىس بۇگىنگى وركەنيەتتىڭ سوڭى بولادى» - دەپ مالىمدەدى.

ۆلاديمير پۋتين مامىر ايىنىڭ 7-ءى كۇنى «رەسەي-24» تەلەارناسىنىڭ «تىكەلەي ەفير ۆلاديمير پۋتينمەن» اتتى ارنايى باعدارلاماسىندا رەسەي حالقىنىڭ سۇراقتارىنا جاۋاپ بەردى. وندا ول: «ءبىز ءۇشىنشى دۇنيەجۇزىلىك سوعىستىڭ بۇگىنگى وركەنيەتتىڭ سوڭى بولۋى مۇمكىن ەكەندىگىن ەستەن شىعارماۋىمىز كەرەك جانە حالىقارالىق ارەنادا وسى ويمەن ءىس-ارەكەتتەر جاساۋمىز قاجەت. ەكىنشى دۇنيەجۇزىلىك سوعىستان كەيىن الەمدىك دەرجاۆالار اراسىندا عالامدىق قاقتىعىستار بولعان جوق. سەبەبى دەرجاۆالار اراسىندا ستراتەگيالىق تەڭدىك بولدى» - دەپ مالىمدەگەن.

ەستەرىڭىزگە سالايىق، بۇعان دەيىن رەسەي سىرتقى ىستەر ءمينيسترى سەرگەي لاۆروۆ «رەسەي مەن اقش اراسىندا ەشقاشان سوعىس بولمايدى. سەبەبى ۆلاديمير پۋتين مەن دونالد ترامپ جانە رەسەي مەن اقش-تىڭ اسكەريلەرى بۇعان جول بەرمەيدى» - دەگەن.

“The Qazaq Times”