فوتو: eadaily.com

فرانتسيا پرەزيدەنتى ەممانۋەل ماكرون اق ءۇي باسشىسى ترامپقا اقش-تىڭ «ۇلكەن جەتىلىك» ەلدەرى تاراپىنان شەتتەتىلۋى مۇمكىن ەكەنىن ەسكەرتتى. ول دونالد ترامپتى «دوستاس ەلدەرمەن ساۋدا سوعىسىن» باستاماۋعا شاقىردى. بۇل تۋرالى lemonde.fr باسىلىمى حابارلايدى.

ول ءوزىنىڭ «Twitter» الەۋمەتتىك جەلىسىندەگى جازباسىندا اقش پرەزيدەنتىن «ۇلكەن جەتىلىك» ەلدەرىمەن تەكەتىرەسۋدىڭ قاجەتى جوق ەكەنىن ايتىپ ساقتاندىردى. «امەريكا پرەزيدەنتى وقشاۋ قالۋدى قالامايتىن بولار. الايدا، ءبىز ونىڭ التى ەلمەن كەلىسىمشارتقا قول قويعانىنا قارسى ەمەسپىز» ، - دەپ جازعان. فرانتسيا پرەزيدەنتىنىڭ سوزىنشە، وسى التى ەل قازىرگى ۋاقىتتا «ناعىز حالىقارالىق كۇشكە» اينالعان «باي تاريحى بار ەكونوميكالىق نارىققا» يە. سونىمەن قاتار، ول "ۇلكەن جەتىلىككە" كىرەتىن جەتى ەلدىڭ التاۋى امەريكاعا قاراعاندا، ۇلكەن نارىق قالىپتاستىرا الادى.

ەستەرىڭىزگە سالا كەتسەك، ماكرون اقش-تىڭ بولات پەن اليۋمينيگە ەنگىزگەن سالىقتارىنا قاتىستى نارازى ەكەنىن بىلدىرگەن ەدى. بۇدان بۇرىن، اق ءۇي اقش پرەزيدەنتى دونالد ترامپتىڭ G7 اياسىندا ماكرونمەن كەلىسسوزدەر جۇرگىزەتىنى تۋرالى حابارلاعان ەدى. اتالعان سامميت بۇگىن جانە ەرتەڭ — 8-9 ماۋسىم كۇندەرى كانادانىڭ كۆەبەك قالاسىندا وتەدى دەپ كۇتىلۋدە.

 

“The Qazaq Times”