رەسەي پرەزيدەنتى ۆلاديمير پۋتين مەن اقش باسشىسى دونالد ترامپ اۆستريادا كەزدەسۋى مۇمكىن – دەپ حابارلايدى «Wall Street Journal» باسىلىمى.

«Wall Street Journal» مالىمەتىنشە، ۆلاديمير پۋتين اۆستريا كانتسلەرى سەباستيان كۋرتسپەن وتكەن كەزدەسۋدە ودان اقش پرەزيدەنتى دونالد ترامپپەن كەزدەسۋ ۇيىمداستىرۋدى سۇراعان. كۋرتس ءوز كەزەگىندە ءپۋتيننىڭ بۇل ءوتىنىشىن قابىل العان. الدىن الا بولجامدار بويىنشا، ترامپ پەن ءپۋتيننىڭ كەزدەسۋى اۆسترايا استاناسى ۆەنا قالاسىندا ءوتۋى مۇمكىن.

ەستەرىڭىزگە سالايىق، ناۋرىز ايىندا دونالد ترامپ الداعى ۋاقىتتا ۆلاديمير پۋتينمەن كەزدەسكىسى كەلەتىندىگىن ايتىپ، ونى اق ۇيگە شاقىرۋعا نيەتتى ەكەندىگىن مالىمدەگەن. بىراق سول ۋاقىتتان بەرى قوس تاراپتا كەزدەسۋگە قاتىستى ەشقانداي كەلىسسوزدەر جۇرگىزبەگەن.

“The Qazaq Times”