سۇرياداعى تەرروريستەر قويماسىنان يۋنيسەف-ءتىڭ ءدارى-دارمەكتەرى تابىلدى

ءسۇريانىڭ باتىسىنداعى تاللاف قالاسىندا «حايات تاحرير ءاش-شام» تەررورلىق ۇيىمىنىڭ جەراستى بازاسى تابىلدى. بۇل تۋرالى liberation.fr حابارلايدى.

جورىق گوسپيتالى مەن نىسانى بار، جەردەن 10 مەتر تەرەڭدىكتە ورنالاسقان بازادان حالىقارالىق يۋنيسەف قورىنىڭ تاڭبالارى بار ءدارى-دارمەك تابىلعان. يۋنيسەف — بۇۇ-نىڭ قامقورلىعى اياسىندا قىزمەت ەتەتىن ءارى بالالارعا كومەك كورسەتۋگە باعىتتالعان قور.

اتالعان جەراستى بازادان سۇريالىق اسكەريلەر 1000 تەرروريستى قارۋلاندىرۋعا جەتكىلىكتى ۇلكەن ارسەنال دا تاپقان. ارسەنالدا اۋقىمدى مولشەردە پۋلەمەت، تانك بۇزار زەڭبىرەك، اتۋ جاراقتارى دا ساقتالعان. سۇريالىق اسكەريلەرىنىڭ وسى وقيعاعا قاتىستى جەدەل وپەراتسيالار جۇرگىزگەنى حابارلانعانمەن، قازىرى تاڭدا بۇل تۋرالى رەسمي مالىمدەمە ءالى جاسالمادى. ال، liberation.fr اگەنتتىگىنىڭ حابارلاۋىنشا، جەتەكشى ەلدەر بۇۇ-دان، اسىرەسە يۋنيسەف-تەن بۇل تۋرالى مالىمدەمە كۇتۋدە.

“The Qazaq Times”