تبليسيدەگى ەرەۋىل. فوتو: Reuters

گرۋزيا پرەمەر-ءمينيسترى وتستاۆكاعا كەتۋدەن باس تارتتى – دەپ حابارلايدى "نەمىس تولقىنى" اقپارات اگەنتتىگى.

گرۋزيا پرەمەر-ءمينيسترى گەورگي كۆيريكاشۆيلي ەل ۇكىمەتىنىڭ وتستاۆكاعا كەتۋىنە قاتىستى مالىمدەمەسىندە: «ەل ۇكىمەتى مەن مينيسترلەر كابينەتىنىڭ وتستاۆكاعا كەتۋى جاعدايدى جاقسارتاتىنىنا كوزىم جەتكەن ساتتە مەن ءبىر سەكۋنتتا ويلانباستان وتستاۆكاعا كەتەمىن. ال قازىر وتستاۆكاعا كەتەتىن ۋاقىت ەمەس جانە وعان سەبەپ تە جوق» - دەگەن.

ەستەرىڭىزگە سالايىق، مامىر ايىنىڭ 31-ءى كۇنى تبليسي قالاسىندا مىڭداعان ادام 2017 جىلعى ەكى وقۋشىنىڭ ولىمىنە قاتىستى سوت شەشىمىنە قارسىلىقتارىن ءبىلدىرىپ ەرەۋىلگە شىققان. ولار تبليسي قالالىق سوتىنىڭ لەۆان دادۋناشۆيلي مەن داۆيد ساراليدزەنىڭ ولىمىنە قاتىسى بار ازاماتتاردىڭ جازاسىن جەڭىلدەتكەنىنە نارازىلىق ءبىلدىرىپ، ەل ۇكىمەتى مەن پروكۋراتۋرا باسشىلىعىنان وتستاۆكاعا كەتۋلەرىن تالاپ ەتكەن. وسىدان كەيىن گرۋزيا باس پروكۋرورى يراكلي شوتادزە قىزمەتىنەن كەتكەن.

“The Qazaq Times”