بەلارۋس ەلىندە لۋكاشەنكونىڭ كومەكشىسى ۇستالدى. ۇلتتىق قاۋىپسىزدىك كوميتەتى سەرگەي روۆنەيكونى 200 مىڭ دوللار كولەمىندە پارا الىپ تۇرعان جەرىنەن قولعا تۇسىرگەن. بۇل اقپارات كوميتەتتىڭ رەسمي سايتىندا جاريالاندى.

كۇشتىك قۇرىلىم لۋكاشەنكونىڭ كومەكشىسىنە قاتىستى ارىز-شاعىم كوبەيگەن سوڭ، شەندىنىڭ سوڭىنا ءتۇسىپ، 1 جىلدان بەرى جاسىرىن اڭدىپ كەلگەن ەكەن. اقاپارت بويىنشا، ول قىزمەت بابىن اسىرا پايدالانىپ، كومەك سۇراپ كەلگەندەردىڭ ماسەلەسىن تەك اقشامەن شەشىپ وتىرعان.

قازىر پرەزيدەنت كومەكشىسى تەرگەۋ يزولياتورىنا قامالىپ، وعان قاتىستى قىلمىستىق ءىس قوزعالىپتى. ەگەر ايىبى دالەلدەنسە، 15 جىلعا باس بوستاندىعىنان ايىرىلۋى مۇمكىن.   

“The Qazaq Times”