اقش مەملەكەتتىك دەپارتامەنتى بەلارۋس پەن پولشا شەكاراسىنداعى بوسقىندار داعدارىسىنا بايلانىستى مالىمدەمە جاساپ، مينسك پەن ماسكەۋدى ايىپتادى.
اقش مەم. حاتشىسى ەنتوني بلينكەن مەن پولشا ءسىم باسشىسى راۋ زبيگنەۆ تەلەفون ارقىلى ماسەلەنى تالقىلاعان. بۇل تۋرالى مەم. دەپارتامەنتىنىڭ جازباشا مالىمدەمەسىندە بلينكەن شەكاراداعى بوسقىندار داعدارىسىنا بايلانىستى بەلارۋس پرەزيدەنتى لۋكاشەنكو مەن رەسەي بيلىگىن ايىپتاعانى ايتىلعان.
اتالعان مالىمدەمەدە الەكساندر لۋكاشەنكونىڭ كەزەكتى ارەكەتى وڭىرلىك قاۋىپسىزدىككە ۇلكەن قاتەر توندىرگەنى ايىتىلعان، سونداي-اق: «رەسەي ۋكراينا شەكاراسىنداعى ارەكەتتەرىنە بايلانىستى جۇرت نازارىن باسقا جاققا اۋدارۋدى كوزدەيدى»، – دەلىنگەن.
بلينكەن سويلەسۋ كەزىندە بوسقىنداردى ءوز مۇددەلەرىنە پايدالانعان بەلارۋس پەن رەسەيگە باعىتتالاتىن باتىس ەلدەرىنىڭ سانكتسيالارى ءتىپتى دە كۇشەيەتىنىن اتاپ وتكەن.
پولشا شەكاراسىنا بوسقىنداردى شوعىرلاندىرىپ، ەۋروپالىق وداققا قىسىم ءتۇسىرۋدى كوزدەگەن لۋكاشەنكو بيلىگىنىڭ ارەكەتى باتىس ەلدەرى جاعىنان اۋىر سىنعا ۇشىراۋدا. پولشا بيلىگى قازىر وسى ماسەلە بويىنشا ەو جانە ناتو-مەن ديالوگ جۇرگىزىپ جاتىر. الداعى ۋاقىتتا بەلارۋس پەن رەسەيگە قاتاڭ شارالار جاسالادى دەپ كۇتىلۋدە.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى