فوتو: ينوسمي

رەسەي "س-500" اۋە قورعانىس جۇيەسىن سىناقتان وتكىزدى – دەپ حابارلايدى Anadolu اقپارات اگەنتتىگى اقش بارلاۋ قىزمەتىنە سىلتەمە جاساپ.

اگەنتتىك مالىمەتىنشە، اقش بارلاۋ قىزمەتى رەسەي قارۋلى كۇشتەرىنىڭ "س-500" اۋە قورعانىس جۇيەسىن سىناقتان ءساتتى وتكىزگەندىگىن انىقتاعان. الدان الا بولجامدار بويىنشا "س-500" اۋە قورعانىس جۇيەسى سىناق كەزىندە 481 شاقىرىم قاشىقتىقتاعى نىسانانى اتىپ تۇسىرگەن.

"س-500-ءدىڭ" "س-400" اۋە قورعانىس جۇيەسىنەن ايىرماشىلىعى ونىڭ ۇزاق قاشىقتىقتاعى زىمىراندار مەن اۋە نىساندارىن اتىپ تۇسىرە الۋىندا. "س-400" 400 شاقىرىم جەردەگى زىمىرانداردى اتا الاتىن بولسا، "س-500" 600 شاقىرىمداعى نىسانالاردى اتىپ تۇسىرۋگە قاۋقارلى.

ەستەرىڭىزگە سالايىق، قازىرگى تاڭدا قازاقستان قارۋلى كۇشتەرىنىڭ ارسەنالىندا "س-300" اۋە قورعانىس جۇيەسى بار. ول 200 شاقىرىم قاشىقتىقتاعى نىسانالاردى اتىپ تۇسىرە الادى.

“The Qazaq Times”