وزبەكستان ءسىم: اقش پەن رەسەي بىرلەسىپ جۇمىس ىستەۋى ءتيىس

وزبەكستان اقش پەن رەسەيدى بىرلەسىپ جۇمىس ىستەۋگە شاقىردى.

مامىر ايىنىڭ 29-ى كۇنى وزبەكستان سىرتقى ىستەر ءمينيسترى ابدۋلازيز كاميلوۆ ماسكەۋ قالاسىندا وتكەن «پيماكوۆ وقۋلارى» باس قوسۋىندا اقش پەن رەسەيدى بىرلەسىپ جۇمىس ىستەۋگە شاقىردى. ول ءوز سوزىندە: «سوڭعى جىلدارى تاياۋ شىعىس پەن اۋعانستاندا بولىپ جاتقان وقيعالار تىكەلەي ورتالىق ازياعا اسەر ەتۋدە. ورتالىق ازيا جاستارىنىڭ يراك پەن سۇرياداعى تەررورلىق ۇيىمداردىڭ ارباۋىنا ءتۇسۋى اماق تىنىشتىعىنا قاۋىپ توندىرۋدە. بۇل ماسەلەنى شەشۋدە اقش پەن رەسەيدىڭ الاتىن ورنى ەرەكشە. سول سەبەپتى تاياۋ شىعىس پەن اۋعانستان ماسەلەسىندە اقش پەن رەسەي بىلەسىپ جۇمىس ىستەۋى ءتيىس» - دەپ مالىمدەدى.

ەستەرىڭىزگە سالايىق، بۇعان دەيىن ناۋرىز اينىڭ 26-ى مەن 27-ءى كۇندەرى ارالىعىندا تاشكەنت قالاسىندا اۋعانستان داعدارىسىنا قاتىستى حالىقارالىق كونفەرەنتسيا وتكەن. وعان ورتالىق ازيا ەلدەرى مەن رەسەيدىڭ سىرتقى ىستەر مينيسترلەرى، اقش، ەۋرووداق جانە بىرىككەن ۇلتتار ۇيىمىنىڭ رەسمي وكىلدەرى قاتىسقان.

جالپى، وزبەكستان بيلىك باسىنا شاۆكات ميرزيەەۆ كەلگەلى بەرى حالىقارالىق ارەنادا ءوزىن "مودەراتور" ەسەبىندە كورسەتۋدە. بۇعان دەيىن استانا قالاسىندا ءسۇريا داعدارىسىنا قاتىستى حالىقارالىق باسقوسۋلار ءوتىپ كەلسە، ەندى رەسمي تاشكەنتتە اۋعانستان نەمەسە تاياۋ شىعىس ماسەلەسىندە "بىتىمگەر"  رەستىندە ءوز باعىن ساناپ كورۋدە.

“The Qazaq Times”