فوتو: SuperCoolPics

سولتۇستىك كورەيا تۇرمەلەرىندە 120 مىڭعا جۋىق ساياسي تۇتقىن بولۋى مۇمكىن.

مامىر ايىنىڭ 29-ى كۇنى اقش مەملەكەتتىك دەپارتامەنتى «الەمدەگى ءدىني سەنىم-نانىم بوستاندىعى» بايانداماسىن جاريالادى. بايانداماعا سايكەس، قازىرگى تاڭدا سولتۇستىك كورەيا تۇرمەلەرىندە ءوزىنىڭ ساياسي، ءدىني، ازاماتتىق كوزقاراسى ءۇشىن 120 مىڭ ادام جازىقسىز جازاسىن وتەۋدە.

اقش-تىڭ ءدىني سەنىم-نانىم بوستاندىعى ماسەلەلەرى بويىنشا ارنايى وكىلى سەم براۋنبەكتىڭ سوزىنشە، الدا كەلە جاتقان اق ءۇي باسشىسى دونالد ترامپ پەن سولتۇستىك كورەيا باسشىسى كيم جوڭ ۋننىڭ كەزدەسۋىندە اتالمىش ماسەلە ايتىلاتىن بولادى. سەبەبى سولتۇستىك كورەيا تۇرمەلەرى وسى ۋاقىتقا دەيىن "گۋلاگ" جۇيەسى بويىنشا جۇمىس ىستەپ كەلگەن جانە وسى ءىسى ءۇشىن «الەمدەگى اسا قاۋىپتى ەلدەردىڭ» تىزىمىنە ەنگىزىلگەن.

“The Qazaq Times”