قاراعاندىداعى اۋىزاشارعا كەلۋشىلەردىڭ نەدەن ۋلانعاندارى انىقتالدى

قر دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ كوميتەتى توراعاسى جانداربەك بەكشيننىڭ ايتۋىنشا، اۋىزاشارعا كەلۋشىلەر جىلقى ەتى  مەن ءتاتتى ناننان ۋلانعان. ەت ءۇي جاعدايىندا، سانيتارلىق شارالارى ساقتالماستان دايىندالعان. ال، كرەم مەن ماي قوسىلعان ءتاتتى نان 5 كۇن بويى توڭازتقىشسىز ساقتالعان.

«سەنبى كۇنى ۇيگە 30 ادامدى اۋىزاشارعا شاقىرعان. الدىن الا دايىندالعان. ەت جاسىل تارتىپ،  جاعىمسىز ءيىس شىعىپ تۇرعانىنا قاراماستان، ودان اس پىسىرگەن. كرەم، جۇمىرتقا جانە ماي قوسىلعان ءتاتتى نان ساتىپ العان دا، ونى 5 تاۋلىك بويى توڭازتقىشسىز ساقتاعان. سانيتارلىق شارالارى ساقتالماعان وسى اۋىزاشار تاعامدارى كامەلەتتىك جاسقا تولماعان ءتورت جاسوسپىرىممەن قوسا، 20 ادامنىڭ ۋلانۋىنا اكەپ سوقتى. ابىروي بولعاندا، ۋلانعانداردىڭ ءبارى امان قالدى»، - دەدى مامان.

ەسكە سالايىق، قاراعاندى وبلىسىنىڭ دەنساۋلىق ساقتاۋ باسقارماسىنىڭ ءباسپاسوز قىزمەتى كەشەگى اۋىزاشاردان 20 ادامنىڭ ۋلانعانىن حابارلاعان ەدى.

“The Qazaq Times”