فرانتسياداعى كوتەرىلىس جالپىۇلتتىق دەڭگەيگە جەتتى

فرانتسيا پرەزيدەنتى ماكروننىڭ رەفورمالارىنا قارسىلىق بىلدىرۋشىلەردىڭ كوتەرىلىسى ءالى جالعاسۋدا. 80 وداق تاراپىنان قولداۋ العان كوتەرىلىسشىلەرگە پوليتسەيلەر قاتال شارا قولدانىپ، 26 ادام قاماۋعا الىندى. بۇل تۋرالى "france24.com" اگەنتتىگى حابارلاۋدا.

ءبىر عانا پاريجدە 40 مىڭ ادام كوتەرىلىسكە شىققان. ال، جالپى كوتەرىلىسكە شىعۋشىلاردى سانى فرانتسيادا 250 مىڭ ادامعا جەتىپ وتىر. پرەزيدەنت ماكروننىڭ قارسىلاستارى ەكونوميكانىڭ قۇلدىراۋىنا بايلانىستى قارسىلىق ارەكەتتەرىن جالعاستىرا بەرەتىندىكتەرىن جاريالادى.ءارى بۇعان، بۇكىل حالىق بولىپ قولداۋ كورسەتۋدە.

ەستەرىڭىزگە سالايىق، 22 مامىر كۇنى فرانتسيانىڭ بارلىق ايماعىندا مەملەكەتتىك قىزمەتكەرلەردىڭ، تەمىرجولشىلاردىڭ جانە اۋەجايلار قىزمەتكەرلەرىنىڭ جاپپاي شەرۋى وتكەن ەدى. ەرەۋىل مەن قارسىلىق ناۋقاندارى پرەزيدەنت ەممانۋەل ماكروننىڭ رەفورماسىنا قارسىلىق رەتىندە ۇيىمداستىرىلدى. بۇعان دەيىن ماكرون، SNCF ۇلتتىق تەمىرجول كومپانياسى قىزمەتكەرلەرىنە ارنالعان جەڭىلدىكتەر مەن ارنايى مارتەبەسىن جويۋ، سونىمەن قاتار 120 مىڭ مەملەكەتتىك قىزمەتكەردى جۇمىستان قىسقارتۋ ارقىلى رەفورما جاسايتىنىن حابارلاعان ەدى.

“The Qazaq Times”