Фото: france24.com

Франция президенті Макронның реформаларына қарсылық білдірушілердің көтерілісі әлі жалғасуда. 80 одақ тарапынан қолдау алған көтерілісшілерге полицейлер қатал шара қолданып, 26 адам қамауға алынды. Бұл туралы "france24.com" агенттігі хабарлауда.

Бір ғана Парижде 40 мың адам көтеріліске шыққан. Ал, жалпы көтеріліске шығушыларды саны Францияда 250 мың адамға жетіп отыр. Президент Макронның қарсыластары экономиканың құлдырауына байланысты қарсылық әрекеттерін жалғастыра беретіндіктерін жариялады.Әрі бұған, бүкіл халық болып қолдау көрсетуде.

Естеріңізге салайық, 22 мамыр күні Францияның барлық аймағында мемлекеттік қызметкерлердің, теміржолшылардың және әуежайлар қызметкерлерінің жаппай шеруі өткен еді. Ереуіл мен қарсылық науқандары президент Эммануэль Макронның реформасына қарсылық ретінде ұйымдастырылды. Бұған дейін Макрон, SNCF Ұлттық теміржол компаниясы қызметкерлеріне арналған жеңілдіктер мен арнайы мәртебесін жою, сонымен қатар 120 мың мемлекеттік қызметкерді жұмыстан қысқарту арқылы реформа жасайтынын хабарлаған еді.

“The Qazaq Times”