ليتۆانىڭ اتاۋى «ليەتۋۆا» بولىپ وزگەرتىلدى

24 مامىردان باستاپ گرۋزين تىلدىك قورى "ليەتۋۆا" (Lietuva) دەگەن سوزبەن تولىقتى. اشىپ ايتار بولساق، وسى كۇننەن باستاپ گرۋزيا ليتۆا ەلىن «Lietuva» دەپ اتايتىن بولدى. بۇل تۋرالى «20minutes.fr» اگەنتتىگى گرۋزيانىڭ ءسىم-نە سىلتەمە جاساپ حابارلايدى.

مينيسترلىكتىڭ حابارلاۋىنشا، مۇنداي ۇسىنىس مەملەكەتتىك ءتىل دەپارتامەنتى تاراپىنان جاسالعان. مالىمدەمەدە: «بۇل شەشىم — ەكى ەل اراسىنداعى دوستىق قارىم-قاتىناستان تۋعان. ليتۆا مەن گرۋزيانىڭ اراسىنداعى ەل اتاۋى وزگەرىسىنە قاتىستى شەشىم اياق استىنان قابىلدانبادى. ءبىز، ليتۆالىقتارعا دەگەن قۇرمەتىمىزدى وسى قادامىمىز ارقىلى دالەلدەگىمىز كەلدى. ياعني، ءبىر جاعىنان، بۇل — «سىيعا — سىي» قاعيداسى نەگىزىندە جاسالدى. سەبەبى، ليەتۋۆا دا ءبىزدىڭ تاريحي اتاۋىمىزدى وزگەرتكەن ەدى»، - دەلىنگەن.

ەسكە سالايىق، بۇدان بۇرىن دا حابارلاعانىمىزداي، ليتۆا گرۋزيانى رەسمي تۇردە «ساكارتۆەلو» دەپ اتايتىنىن مالىمدەگەن ەدى. ايتا كەتۋ كەرەك، اتالعان ەكى ەل دە ۇستىمىزدەگى جىلى مەرەيتويلارىن تويلاۋدا. ماسەلەن، ليتۆا ەلى مەملەكەتتىڭ قايتا قۇرىلۋىنىڭ 100 جىلدىعىن اتاپ وتكەن ەدى. ال، الداعى ۋاقىتتا گرۋزيا العاشقى گرۋزيالىق دەموكارتيالىق رەسپۋبليكانىڭ 100 جىلدىعىن تويلاماق.

“The Qazaq Times”