فوتو: worldbulletin.net

ءسۇريا اسكەرى شام (داماسك) قالاسىنىڭ ماڭايىن «يسلام مەملەكەتى» بەلسەندىلەرىنەن تولىقتاي بوساتتى. بۇل تۋرالى دۇيسەنبى كۇنى ءسۇريا ۇكىمەتىنە قاراستى تەلەارنا حابارلادى.

تەررورلىق توپ مۇشەلەرىنىڭ سوڭعى تۇراعى حادجر-ءال-اسۆاد پەن شام قالاسىنىڭ وڭتۇستىك توڭىرەگىندەگى پالەستينالىق بوسقىنداردىڭ لاگەرى «يارمۋك» بولعان ەدى. وتكەن دەمالىس كۇندەرى ول جەردە ۋاقىتشا ءبىتىم جاريالانعان بولاتىن. بۇدان بۇرىن بۇل اۋداندارداعى بەيبىت تۇرعىندار، ايەلدەر مەن بالالار باسپانالارىن تاستاپ كەتكەن ەدى. ودان كەيىن اسكەري شابۋىل باستالدى. شىعىس گۋتاداعى ءىرى اسكەري وپەراتسيادان سوڭ شام ماڭايىنداعى ۇكىمەتتىك اسكەريلەردىڭ ءىرى وپەراتسيالارى ءسۇريانى تولىقتاي قۇلدىراتقان ەدى. ەندى، سۇريا اسكەرى شام قالاسىنىڭ ماڭايىن «يسلام مەملەكەتى» بەلسەندىلەرىنەن تولىقتاي بوساتىپ، قالانىڭ قاۋىپسىزدىگىن ءبىراز بولسا دا، قولعا الدى.

“The Qazaq Times”