فوتو: مۋن چجە ين

وڭتۇستىك كورەيا دونالد ترامپ پەن كيم جوڭ ۋننىڭ (كيم چەن ىن) اراسىنداعى تاريحي كەزدەسۋدىڭ جۇزەگە اسىرىلۋى ءۇشىن اقش پەن كحدر-عا ارااعايىندىق جاساۋعا دايىن. بۇل تۋرالى وڭتۇستىك كورەيا پرەزيدەنتىنىڭ اكىمشىلىگى مالىمدەدى، دەپ حابارلايدى lanouvellerepublique.fr اگەنتتىگى.

بۇدان بۇرىن حابارلاعانىمىزداي، كحدر جەتەكشىلىگى كيم جوڭ ۋن مەن دونالد ترامپتىڭ تاريحي كەزدەسۋلەرى بولماي قالۋى مۇمكىن ەكەنىن جاريالاعان ەدى. كورەي باسشىسىنىڭ بۇلاي اينىپ قالۋىنا اقش-تىڭ سولتۇستىك كورەيادان يادرولىق قارۋدان باس تارتۋ تالابى سەبەپ بولعان دەسەدى.

سونىمەن قاتار،  16 مامىر كۇنى كحدر مەن وڭتۇستىك كورەيا ەلدەرى كەزدەسەدى دەپ جوسپارلانعان بولاتىن. الايدا، «وتە جوعارى دەڭگەيدە» وتەدى دەپ جوسپارلانعان سول كەزدەسۋ دە كحدر تاراپىنان قابىلدانباعان ەدى. ەندى پرەزيدەنت مۋن چجە ءيننىڭ ۇكىمەتى ءتۇرلى جولدار ارقىلى قوس كورەيا ەلى مەن اقش اراسىندا «ارااعايىندىق رولگە» بەلسەندى تۇردە كىرىسۋدە.

“The Qazaq Times”