قولعا تۇسكەن جولاۋشى الماتى ارقىلى باكۋگە ۇشپاق بولعان. كەدەن بەكەتىنىڭ قىزمەتكەرلەرى ونىڭ قولسومكەسىن تەكسەرگەن كەزدە، ىشىنەن 7,5 ملن تەڭگە تابىلعان ەكەن. بۇل تۋرالى قالالىق مەملەكەتتىك كىرىستەر دەپارتامەنتىنىڭ ءباسپاسوز قىزمەتى ءمالىم ەتتى.

ۇستالعان ادام قاپ قاراجاتتى دەكلاراتسيالاماعان، سوندىقتان ول زاڭ بۇزعان بولىپ ەسەپتەلەدى. دەپارتامەنت تاراتقان مالىمەت بويىنشا، جىل باسىنان بەرى الماتىدا مۇنداي 17 دەرەك تىركەلگەن ەكەن. جولاۋشىلار ەاەو شەكاراسىن 247 800 دوللارمەن، 17 500 ەۆرومەن، 34 400 قىتاي يۋانىمەن، 276 000 تەڭگەمەن اسپاق بولىپتى.

بىزدەگى زاڭعا سايكەس، قازاقستان رەسپۋبليكاسىنىڭ ازاماتتارى 10 مىڭ اقش دوللارىنان اسپايتىن سومانى تىركەمەي، شەت مەملەكەتتەرگە شىعا الادى. ەگەر اقشا سوماسى 10 مىڭ دوللاردان اساتىن بولسا، ونى كەدەندىك دەكلاراتسيادان وتكىزۋ شارت.

“The Qazaq Times”