اقش بەلارۋستىڭ ازاماتتىق ۇشاققا جاساعان قىسىمىن ايىپتادى

بەلارۋستىڭ ءوز كەڭىستىنەن ۇشقان ازاماتتىق ۇشاقتى كۇشتەپ قوندىرۋى الەم ەلدەرىن "تاڭقالدىردى" جانە قاتاڭ ايىپتاۋىنا ۇشىرادى. بورتتاعى رەپارتوردى تۇتقىنداۋ ءۇشىن كەڭىستىگنە كىرگەن ازاماتتىق ۇشاققا جاسالعان قىسىم حالىقارالىق اتىناستاردا تۇراقسىزدىقتارعا جول اشادى دەگەن بولجامدار ايتىلۋدا. 

جەكسەنبىدە گرەكيانىڭ استاناسى افينادان ليتۆا استاناسى ۆيلنيۋسكە ۇشىپ بارا جاتقان يرلانديالىق Ryanair ۇشاعى بەلارۋس كەڭىستىگىنەن وتكەن كەزدە مينسك اۋەجايىنا كۇشتەپ قوندىرىلعان. بەلارۋس بيلىگى بۇل ءۇشىن اسكەري ۇشاقتار ارقىلى ازاماتتىق ۇشاققا قىسىم جاساعان جانە ۇشاقتا جارىلعىش بار دەگەن راستالماعان مالىمەتتى جەلەۋ ەتكەن.

ۇشاق قونعاننان كەيىن، بەلارۋسسيا بيلىگى بىردەن ۇشاقتاعى جولاۋشىنى، وپپوزيتسيا بەلسەندىسى جانە جۋرناليست رامان پلاتاسەۆيچتى تۇتقىندادى.

اقش مەملەكەتتىك حاتشىسى بلينكەن بەلارۋس تارابىنىڭ بۇل ارەكەتىن قاتاڭ سىنعا الىپ، مالىمدەمە جاسادى. ول سونداي-اق، الداعى ۋاقىتتا بەلارۋس ۇكىمەتىنىڭ ارەكەتىنە جاۋاپ بەرۋ ءۇشىن ەو جانە وزگە تاراپتارمەن تىعىز جۇمىس ىستەپ جاتانىن جەتكىزدى.

بۇل وقيعادان كەيىن ەۋروپا ەلدەرىندە بەلارۋس كەڭىستىگىن پايدالانباۋ جانە بەلارۋس ۇشاقتارىنا كەڭىستىك بەرمەۋ تۋرالى شەشىمدەر قابىلداۋى دا مۇمكىن دەگەن پىكىرلەر بار.

“The Qazaq Times”