اقش رەسەيدىڭ قورعانىس سالاسىنا سانكتسيا شابۋىلىن باستادى

اقش ءوزىنىڭ رەسەيگە باعىتتاعان سانكتسيالارىنىڭ 17-ءشى كەزەگىن جاريا ەتتى. بۇل رەتكى سانكتسيانىڭ ەرەكشەلىگى رەسەيدىڭ قورعانىس سالاسىن، اسكەري ونەركاسىپ جانە زەرتتەۋ سالالارىنا باعىتتالعان. بۇل تۋرالى «WSJ» باسىلىمىنىڭ رەسمي سايتى حابارلادى.

سانكتسيا تىزىمىنە رەسەي اسكەري اۋە كۇشتەرىنە قاراستى ءىرى ەكسپورت الىبى «روسوبورونەكسپورت» كومپانياسى ءبىرىنشى بولىپ ەنگەن. بۇدان كەيىن سانكتسياعا ىلىنگەن اسكەري زەرتتەۋ-وقىتۋ ورىندارىنان: رەسەي قورعانىس مينيسترلىگىنىڭ №18 زەرتتەۋ ورتالىعى; تۋلاداعى اسكەري حابارلاسۋ قۇرىلعىلارىن قۇراستىرۋ-دامىتۋ بيۋروسى; گاتچين زەنيتتىك-زىمىران وقۋ ورتالىعى قاتارلىلارى بار.

سونىمەن بىرگە، 183-ءشى گۆارديالىق زەنيتتىك زىمىران پولكى، باس شتاب باس باسقارماسى دا سانكتسيا تىزىمىندە تۇر. ال، سولتۇستىك كورەيا مەن يراننىڭ اسكەري اۋە كۇشتەرىنە كومەكتەسكەن دەگەن ايىپپەن «بارل» عىلىمي-وندىرىستىك كونتسەرنى بار.

اقش ۇكىمەتى بۇل زەرتتەۋ ورتالىقتارى مەن قۇزىرلى اسكەري ورىنداردى جاپپاي قىرىپ-جويۋشى  قارۋلاردى تاراتپاۋ كەلىسىمىنە قايشىلىق جاسادى دەپ ايىپتاپ وتىر.

كەزەكتى سانكتسيادا رەسەيدەن تىس قىتاي، تۇركيا، ءسۇريا، سولتۇستىك كورەيا جانە بىرىككەن اراب امىرلىگى مەن حەزبوللاعا قاراستى كومپانيالار دا بار.

“The Qazaq Times”