دايش-تىڭ ىزدەۋدە جۇرگەن بەس جەتەكشىسى تۇتقىنعا الىندى

اقش پرەزيدەنتى دونالد ترامپ يسلام مەملەكەتى تەرروريستىك ۇيىمىنىڭ «وتە قاتتى ىزدەۋدە جۇرگەن» بەس جەتەكشىسىنىڭ تۇتقىندالعانىن راستادى، دەپ حابارلايدى «The New York Times» اگەنتتىگى.

اق ءۇي باسشىسى ءوزىنىڭ «Twitter» جەلىسىندەگى جازباسىندا «جاڭا عانا دايش-تىڭ ىزدەۋدە جۇرگەن بەس جەتەكشىسى ۇستالدى» دەپ جازعان. «The New York Times» اگەنتتىگى تاراتقان مالىمەت بويىنشا، ولار امەريكالىق بارلاۋشىلار مەن يراكتىق اسكەريلەردىڭ ءسۇريا مەن تۇركيا تەرريتورياسىنداعى بىرىككەن ارەكەتتەرىنىڭ ناتيجەسىندە ۇستالعان.

يراكتىق ەكى بارلاۋشى تۇتقىندالعانداردىڭ ءسۇريانىڭ داير-ءاز-زاۋر ايماعىنداعى دايش-تىڭ باقىلاۋىنداعى توپقا جەتەكشىلىك ەتەتىن ءتورت يراكتىق، ءبىر سۇريالىق ەكەنىن انىقتاعان.

ەسكە سالايىق، 6 مامىر كۇنى يراكتىڭ اسكەري-اۋە كۇشتەرى سۇرياداعى دايش تەرروريستەرىنە سوققى جاساعان ەدى.

“The Qazaq Times”