Фото: Көрнекі сурет

АҚШ президенті Дональд Трамп Ислам мемлекеті террористік ұйымының «өте қатты іздеуде жүрген» бес жетекшісінің тұтқындалғанын растады, деп хабарлайды «The New York Times» агенттігі.

Ақ үй басшысы өзінің «Twitter» желісіндегі жазбасында «Жаңа ғана ДАИШ-тың іздеуде жүрген бес жетекшісі ұсталды» деп жазған. «The New York Times» агенттігі таратқан мәлімет бойынша, олар америкалық барлаушылар мен ирактық әскерилердің Сүрия мен Түркия территориясындағы біріккен әрекеттерінің нәтижесінде ұсталған.

Ирактық екі барлаушы тұтқындалғандардың Сүрияның Дайр-әз-Заур аймағындағы ДАИШ-тың бақылауындағы топқа жетекшілік ететін төрт ирактық, бір сүриялық екенін анықтаған.

Еске салайық, 6 мамыр күні Ирактың әскери-әуе күштері Сүриядағы ДАИШ террористеріне соққы жасаған еді.

“The Qazaq Times”