مايك پومپەو كيم جوڭ ۋنعا كەزدەستى. فوتو: VOA News.

كەشە اقش مەملەكەتتىك حاتشىسى پومپەو سولتۇستىك كورەيانىڭ ورتالىق قالاسى پيوڭياڭعا رەسمي ساپارمەن باردى. ماقساتى - الدا بولاتىن اقش پەن سولتۇستىك كورەيا باسشىلارىنىڭ تاريحي كەزدەسۋىنە دايىندىق جۇمىستارىن تالقىلاۋ. الايدا، وسىمەن ءبىر ۋاقىتتا وڭتۇستىك كورەيا پرەزيدەنتىنىڭ ءباسپاسوز حاتشىسى مالىمدەمە جاساپ، پومپەو سولتۇستىك كورەيا ساپارىندا سول ەلدە قاماۋعا الىنعان 3 امەريكالىق ازاماتتى بوساتۋ ماسەلەسىن سويلەسەتىنىن ايتقان. بۇل تۋرالى VOA NEWS اقپاراتتىق اگەنتتىگى حابارلادى.

ترامپ ۇكىمەتى الداعى ترامپ پەن كيم اراسىنداعى كەزدەسۋگە ىزگى نيەتىن كورسەتۋ نەگىزىندە كيم رەجيمىنەن قاماۋداعى امەريكالىق ازاماتتاردى بوساتۋدى تالاپ ەتىپ كەلگەن. پومپەو بۇل تالاپتى مەملەكەتتىك حاتشى بولىپ تاعايىندالۋدان بۇرىن، ورتالىق بارلاۋ اگەنتتىگىنىڭ ديرەكتورى رەتىندە وسى جىلدىڭ ناۋرىز-ءساۋىر ايلارىنداعى قۇپيا ساپارىندا دا كيم جوڭ ۋنعا جەتكىزگەن.

پومپەو سارسەنبى كۇنى پيوڭياڭعا (پحەنيان) اتتانار الدىندا جۋرناليستەرگە: «بۇگىن ءبىز وسى ماسەلە تۋرالى سويلەسەمىز، ولار بۇل تالابىمىزدى (قاماۋداعى امەريكالىقتاردى بوساتۋ) قابىلداسا، بۇل كەلەلى ءىس بولار ەدى»،– دەدى. سەيسەنبى كۇنى بۇل ساپارى تۋرالى سۇراعان پرەزيدەنت ترامپقا «جاقسى جاڭالىقتى كۇتىڭىزدەر»، – دەگەن ءسوزىن دە ايتقان.

سولتۇستىك كورەيادا قامالعان امەريكالىق ازاماتتاردىڭ ەكەۋى سول ەلدەگى بىردەن ءبىر جەكە مەنشىك جوعارى وقۋ ورنىندا ساباق بەرگەن. ولار 2017 جىلدىڭ باس شەنىندە قاماۋعا الىنعان. تاعى ءبىر امەريكالىق ازاماتتار – كيم دوڭ جە سولتۇستىك كورەيانىڭ لۋوكسيان قالاسىندا 2015 جىلى قازان ايىندا تۇتقىندالعان ەدى. وعان تىڭشىلىق ايىبى تاعىلعان.

“The Qazaq Times”