قازاقستان حالىقتارى بىرلىگى كۇنىنە وراي وتكەن مەرەكەلىك كونتسەرتتە ءسوز العان ەلباسى ن.نازارباەۆ بيىل قاڭتار ايىنىڭ 16-18 كۇندەرى اقش-قا جاساعان رەسمي ساپارى كەزىندە دونالد ترامپپەن نە تۋرالى سويلەسكەنىن جانە امەريكالىق ارىپتەسىنىڭ وزىنەن نە سۇراعانىن ايتتى، دەپ حابارلايدى «Sputnik قازاقستان» اقپارات اگەنتتىگى.
«مەن قاڭتار ايىندا جۇمىس بارىسىمەن اقش-تا بولدىم. اقش پرەزيدەنتى دونالد ترامپ قازاقستاننىڭ قاي ەلدەرمەن جانجالداسىپ جۇرگەنىن سۇرادى. مەن ەشبىر ەلمەن قاقتىعىسپايتىنىمىزدى ايتتىم. بارلىق مەملەكەت ءبىزدى سىيلايدى، ال ءبىز ولاردى قۇرمەتتەيمىز دەدىم» ، - دەدى ءنۇرسۇلتان نازارباەۆ قازاقستان حالقىنىڭ بىرلىگى كۇنىنە وراي وتكەن مەرەكەلىك كونتسەرتتە.
ەستەرىڭىزگە سالا كەتەيىك، بيىل قاڭتار ايىندا ەلباسى اقش-قا رەسمي ساپارمەن بارعان بولاتىن. مەملەكەت باسشىسى اقش پرەزيدەنتى دونالد ترامپپەن كەزدەسۋ وتكىزىپ، بۇۇ قاۋىپسىزدىك كەڭەسىنىڭ وتىرىسىندا ءسوز سويلەسىپ، رەسمي جانە ىسكەر توپتاردىڭ وكىلدەرىمەن كەزدەسكەن ەدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى