فوتو: tass.ru

ءپاريجدىڭ وڭتۇستىك-شىعىسىنداعى جۇمىسشىلاردىڭ ءبىرىنشى مامىر شەرۋى كەزىندە جاپپاي تارتىپسىزدىك ورىن العان، دەپ حابارلايدى تاسس اقپاراتتىق اگەنتتىگى.

پاريجدە 1 مامىر شەرۋىندە تۇتانعان تارتىپسىزدىكتى باسۋ كەزىندە پوليتسەيلەر 276 ادامدى تۇتقىنعا العان. ولاردىڭ 102-ءسى قازىرگى ۋاقىتتا قاماۋدا.

الدىن الا بولجامعا سايكەس، ەكسترەميستەر 31 دۇكەنگە زاقىم كەلتىرىپ، التى اۆتوكولىكتى ورتەپ جىبەرگەن. سونىمەن قاتار، ونداعان كولىك زاقىمدالعان. پاريج قالالىق پوليتسەي باسقارماسى باسشىسى ميشەل دەلپەشتىڭ ايتۋىنشا، فرانتسيانىڭ بارلىق ايماعىنداعى تارتىپسىزدىكتەرگە 210 مىڭ بۇزاقى قاتىسقان. ولار اۆتوبۋس ايالدامالارىن سىندىرىپ، جارناما پلاكاتتارىن جىرتىلىپ، بىرنەشە كولىك تۇراعىن بۇزعان. ءتارتىپ ساقشىلارى بۇزاقىلارعا قارسى كوزدى جاساۋراتاتىن گاز بەن سۋاتقىش قولدانۋعا ءماجبۇر بولعان.

ال، قازىرگى ءساتتى اۆستراليادا ىسساپارمەن جۇرگەن ەل پرەزيدەنتى ەممانۋەل ماكرون وسى كۇش كورسەتۋ ارەكەتتەرىنە كىنالىلەردىڭ جاۋاپكەرشىلىككە تارتىلاتىنىن مالىمدەدى.

“The Qazaq Times”