فوتو: akorda.kz

قازاقستاندا 2018 جىلدىڭ 1 شىلدەسىنەن باستاپ ەلەكتروندى ۆيزا ەنگىزىلمەك. بۇل تۋرالى قر ىشكى ىستەر ءمينيسترىنىڭ ورىنباسارى ەرلان تۇرعىمباەۆ حابارلادى.

«ءبىز «تسيفرلى قازاقستان» باعدارلاماسىنىڭ اياسىندا 2018 جىلدىڭ 1 شىلدەسىنەن باستاپ ەلەكتروندى ۆيزا ەنگىزۋدى جوسپارلاپ وتىرمىز. بۇل ارقىلى قازاقستانعا كەلگەن شەتەل ازاماتتارى ءسىم كونسۋلدىعىنا بارماي-اق، جۇمىستارىن بىتىرە الادى»، - دەدى ە.تۇرعىمباەۆ.  ونىڭ سوزىنشە، شەتەل ازاماتتارىنا قر كوشى-قون قىزمەتىن تىكەلەي ەلەكتروندى پورتال ارقىلى پايدالانا الادى. وسى ارقىلى شەتەل ازاماتتارىنىڭ قازاقستانعا كەلۋ سەبەپتەرىن، قارجىلىق مۇمكىندىكتەرىن جانە قانشا ۋاقىت بولاتىندىقتارى تۋرالى تولىق مالىمەتتەر جيناقتالاتىنىن ايتقان ۆيتسە-مينيستر:  «ءبىز ءوتىنىش بەرۋشى شەتەل ازاماتى تۋرالى مالىمەتتەردى قاراپ، ەگەر ەشقانداي دا شەكتەۋلەر بولماسا، ۆيزانى راسىمدەيمىز. وسىلايشا، اسىرەسە ءبىزدىڭ ەلىمىزدە كونسۋلدىق قىزمەت ورگانى جوق ەل ازاماتتارى ءۇشىن تىركەۋ ءراسىمىن جەڭىلدەتپەكپىز»، - دەدى.

“The Qazaq Times”