فوتو: twitter.com/rsi_de

سلوۆاكيا حالقى مەرىزىمەن بۇرىن پارلامەنت سايلاۋىن وتكىزۋدى تالاپ ەتىپ ەرەۋىلگە شىقتى.

ءساۋىر ايىنىڭ 27-ءى كۇنى 5 مىڭعا جۋىق سلوۆاكيالىق براتيسلاۆ قالاسىنىڭ ورتالىق الاڭىنا جينالدى. نارازىلىق شەرۋىنە شىققان ازاماتتىق بەلسەندىلەردىڭ باستى تالادى ەلدە مەرزىمىنەن بۇرىن پارلامەنت سايلاۋىن وتكىزۋ. ەرەۋىلدى ۇيىمداستىرۋشىلاردىڭ سوزىنشە، ەل ۇكىمەتىنە جۋرناليست يان كۋتسياكتىڭ ولىمىنەن كەيىن حالىق سەنبەيدى.

ەستەرىڭىزگە سالايىق، 25 اقپان كۇنى سلوۆاكيادا بەلگىلى جۋرناليست يان كۋتسياكقا قاستاندىق جاسالعان. سالدارىنان كۋتسياك پەن ونىڭ قالىڭدىعى وقيعا ورنىندا كوز جۇمعان. ول ءوزىنىڭ سوڭعى زەرتتەۋ ماتەريالدىندا پرەمەر-مينيستر روبەرت فيتسونى يتاليا مافياسىمەن جاقىن قارىم-قاتىناس ورناتتى دەپ ايىپتاعان. بىراق فيتسونىڭ ءوزى ءجۋرناليستىڭ بۇل ايىپتاۋىن جوققا شىعارعان. الايدا پرەمەردىڭ اقتالۋ ارەكەتتەرىنە قاراماستان سلوۆاكيا حالقى جاپپاي ەرەۋىلگە شىققان. وسىدان كەيىن روبەرت فيتسو مەن ونىڭ ەكى كومەكشىسى، ىشكى ىستەر ءمينيسترى جانە مادەنيەت ءمينيسترى وتستاۆكاعا كەتكەن.

“The Qazaq Times”