ەرتەڭ ماسكەۋدە ءۇش ەلدىڭ سىرتقى ىستەر مينيسترلەرى باس قوسپاق

ەرتەڭ ماسكەۋدە استانا پروتسەسىندە كەپىلگەر بولعان ەلدەردىڭ ءسىم باسشىلارى رەسەيدە كەزدەسپەك. ايتالىق، تۇركيا، رەسەي جانە يراننىڭ سىرتقى ىستەر مينيسترلەرى ماسكەۋگە جينالادى. بۇل تۋرالى تۇركيانىڭ رەسمي اقپارات اگەنتتىگى حابارلادى.

كەزدەسۋدە تۇركيا سىرتقى ىستەر ءمينيسترى مەۆلۇت شاۆۋشوعلۋ، رەسەي سىرتقىى ستەر ءمينيسترى سەرگەي لاۆروۆ، يران ءسىم باسشىسى جەۆات زاريف باس قوسىپ، استانا پروتسەسىندە قالىپتاسقان ىنتىماقتاستىقتى دامىتۋ جانە سۇرياداعى ماسەلە تۋراسىندا تالقى ورىستەتپەك.

سۇرياداعى تۇراقسىزدىقتى رەتتەۋ ماقساتىندا استانا پروتسەسى 2017 جىلدىڭ باس شەنىندە ەلىمىزدە باستالعان. بۇل رەسەي، تۇركيا جانە يران ەلدەرىنىڭ، سونداي-اق سۇرياداعى تاراپتاردىڭ اراسىنداعى كەلىسسوزدەرگە وزىندىك ىقپالىن جاسادى.

“The Qazaq Times”