اقش مەملەكەتتىك حاتشىسى مايك پومپەو. فوتو: مك.

كەشە اقش سەناتى مايك پومپەونى قۇراما شتاتتىڭ مەملەكەتتىك حاتشىسى رەتىندە بەكىتتى. پومپەونى مەملەكەتتىك حاتشى لاۋازىمىنا پرەزيدەنت ترامپ ۇسىنعان بولاتىن. سەناتتان 42-گە قارسى 57 داۋىس بۇل ۇسىنىستى قولداپ شىقتى. بۇل تۋرالى «WSJ» باسىلىمى حابارلادى.

مايك پومپەو بۇعان دەيىن اقش-تىڭ ورتالىق بارلاۋ اگەنتتىگىنىڭ ديرەكتورى قىزمەتىن اتقارعان. ونىڭ مەملەكەتتىك حاتشى لاۋازىمىن بەكىتۋگە سەناتتاعى رەسپۋبليكاشىلدار پارتياسىنىڭ بارلىق مۇشەسى قولداۋ ءبىلدىردى. وعان قوسا، دەموكراتتاردان 6 ادام جانە پارتياعا جاتپايتىن وكىلدەردەن ءبىر ادام قولدادى.

سونىمەن، مايك پومپەو وتكەن ايدا ترامپ قىزمەتىنەن قۋعان رەكس تيللەرسوننىڭ ورنىنا رەسمي تاعايىندالدى. سەناتتىڭ سوڭعى شەشىمىنەن كەيىن پومپەو بۇگىن بريۋسسەلدە وتەتىن ناتو كونفەرەنتسياسىنا اقش-تىڭ جوعارى وكىلى رەتىندە قاتىسادى.

“The Qazaq Times”