جارىلىس بولعان سايلاۋ ورتالىعى. فوتو: يرنا.

اۋعانستاننىڭ ورتالىق قالاسى كابۋلدا جانكەشتى شابۋىلىنان 31 ادام قازا تاپتى. شابۋىلدا كابۋلدىڭ كالە-ي نازىر ايماعىنداعى ءبىر سايلاۋ ورتالىعىندا بولعان. جارىلىستى دايش ۇيىمى ءوز موينىنا العان. بۇل تۋرالى «شينلاڭ» اقپاراتتىق سايتى حابارلادى.

دەنەسىنە جارىلعىش بايلاعان جانكەشتى سايلاۋ ورتالىعىنا كەلگەن جۇرتشىلىق اراسىنا كىرىپ، ءوزىن جارىپ جىبەرگەن. شابۋىلدان 31 ادام قازا بولىپ، 50-دەن استام ادام ءتۇرلى جاراقات العان. جەرگىلىكتى ۇكىمەت جارالىلار اراسىندا جاعدايى اۋىر ادامدار كوپ ەكەنىن، قازا بولعاندار سانىنىڭ ارتا ءتۇسۋى مۇمكىن ەكەنىن مالىمدەگەن.

دايش ۇيىمى شابۋىلدى ءوز مويىنىنا العانىن مالىمدەگەن. اۋعانستاندا الداعى ۋاقىتتا بولاتىن دەپۋتاتتىق سايلاۋعا بايلانىستى، سايلاۋشىلار الدىن الا قۇجاتتارىن تىركەۋدەن وتكىزۋ جۇمىستارىن ىستەۋىنە تۋرا كەلگەن.

“The Qazaq Times”