جولداۋعا ءدىن وكىلدەرى دە ءۇن قوستى

قمدب-نىڭ وسكەمەن ايماعى وكىلدىگى ەلباسى ن.نازارباەۆتىڭ قازاقستان حالقىنا جولداۋىن تالقىلادى. ءىس-شارا ا.پۋشكين اتىنداعى شىعىس قازاقستان وبلىستىق كىتاپحاناسىندا ءوتتى.

باسقوسۋعا وسكەمەن قالاسىنداعى مەشىتتەردىڭ يمامدارى مەن ۇستازدارى، وبلىستىق مەشىتتە ءبىلىم الىپ جۇرگەن اۋدانداردان كەلگەن شاكىرتتەر قاتىستى.

«ەلباسىمىز بيىلعى جولداۋىندا ەلىمىزدىڭ جارقىن بولاشاقتاعى دامۋ جولىن ايقىنداپ بەردى. جولداۋ قوعامنىڭ بارلىق سالاسىن قامتىپ وتىر. وعان ات سالىسۋ، ءبىزدىڭ پارىزىمىز. ەلباسىمىز ءوز جولداۋىندا تاتۋلىق پەن تۇراقتىلىقتىڭ ەل دامۋىندا ماڭىزدى ەكەندىگىن باسا ايتتى. ءبىز قوعامداعى تاتۋلىقتى ساقتاۋدا ءوز ۇلەسىمىزدى قوسا وتىرىپ، ىزگىلىك قاعيداتتارىن ناسيحاتتايمىز. اسىرەسە جولداۋداعى 5 باسىم باعىتتاردى جۇزەگە اسىرۋعا ءۇن قوسامىز. ەلباسىمىز جولداۋىندا عىلىمنىڭ دامۋىنا ىلەسۋ، جاھاندىق باسەكەگە قابىلەتتى بولۋ، تىڭ جاڭالىقتار اشۋ قاجەتتىگىن اتاپ ايتتى. قاسيەتتى قۇراندا دا جانە پايعامبارىمىزدىڭ (س.ع.س) وسيەتتەرىندە دە عىلىم يگەرۋ، جەتىلۋدىڭ ماڭىزدىلىعى ايىرىقشا اتىلىپ، بىرنەشە مارتە ايقىن كورسەتىلگەن» دەي كەلە، «ءتورتىنشى باسىمدىق – ادامي كاپيتال ساپاسىن جاقسارتۋداعى ، ءبىلىم بەرۋ جۇيەسىنىڭ ءرولى وزگەرۋگە ءتيىس. ءبىزدىڭ مىندەتىمىز – ءبىلىم بەرۋدى ەكونوميكالىق ءوسۋدىڭ جاڭا مودەلىنىڭ ورتالىق بۋىنىنا اينالدىرۋ. وقىتۋ باعدارلامالارىن سىني ويلاۋ قابىلەتىن جانە ءوز بەتىمەن ىزدەنۋ داعدىلارىن دامىتۋعا باعىتتاۋ قاجەت» دەگەن ەلباسى تاپسىرماسىن قاسيەتتى قۇرانداعى ءبىلم يگەرۋ، تالپىنۋ تۋرالى وسيەتتەرمەن، ارداقتى پايعامبارىمىزدىڭ (س.ع.س) حاديستەرىمەن  ورنەكتەپ، كوركەم تۇردە جەتكىزدى.

سونىمەن قاتار شارادا جاس عالىم ءادىل سايلاۋ قاتىسىپ، ەلباسى جولداۋىنان ارنايى  بايانداما جاسادى.

ەلباسى جولداۋىن ناسيحاتتاۋ شاراسىنا ارنايى كەلگەن عالىم ءا. سايلاۋ مىرزاعا، شارانى ۇيىمداستىرۋعا قولداۋ بىلدىرگەنى ءۇشىن كىتاپحانا ۇجىمىنا وكىلدىك تاراپىنان العىس ايتىلدى.

"The Qazaq Times"