قىتاي باسشىسى سولتۇستىك كورەياعا رەسمي ءىس-ساپارمەن بارماق

قىتاي باسشىسى شي جيڭپيڭ سولتۇستىك كورەياعا رەسمي ءىس-ساپارمەن بارماق – دەپ حابارلايدى سNN تەلەارناسى.

سNN ارناسىنىڭ قىتاي بيلىگىندەگى اقپارات كوزىنىڭ مالىمەتىنشە، شي جيڭپيڭ سولتۇستىك كورەياعا اقش پرەزيدەنتى دونالد ترماپ پەن كحدر باسشىسى كيم جوڭ ۋن كەزدەسۋىنەن كەيىن بارماق. بىراق ونىڭ ناقتى قاي ۋاقىتتا پحەنيانعا باراتىنى جونىندە ازىرگە ەشقانداي رەسمي اقپارات جاريالانباعان.

جالپى، شي جيڭپيڭ بيلىك باسىنا كەلگەلى بەرى ءبىر دە ءبىر رەت سولتۇستىك كورەياعا رەسمي ءىس-ساپارمەن بارماعان. ال كيم جوڭ ۋن بۇعان دەيىن بەيجىڭگە ءبىر رەت بەيرەسمي ءىس-ساپارمەن كەلگەن.

ەستەرىڭىزگە سالايىق، بۇعان دەيىن اق ءۇي اكىمشىلىگى دونالد ترامپ پەن كيم جوڭ ۋن ماۋسىم ايىندا كەزدەسۋى مۇمكىن دەگەن اقپارات تاراتقان. ال كۇنى كەشە اقش ورتالىق بارلاۋ باسقارماسىنىڭ ديرەكتورى مايك پومپەو دونالد ترامپتىڭ تاپسىرماسى بويىنشا پحەنياندا كيم جوڭ ۋنمەن قۇپيا كەزدەسۋ وتكىزگەن.

“The Qazaq Times”