Фото: xinhuanet.com

Қытай басшысы Ши Жиңпиң Солтүстік Кореяға ресми іс-сапармен бармақ – деп хабарлайды СNN телеарнасы.

СNN арнасының Қытай билігіндегі ақпарат көзінің мәліметінше, Ши Жиңпиң Солтүстік Кореяға АҚШ президенті Дональд Трмап пен КХДР басшысы Ким Жоң Ун кездесуінен кейін бармақ. Бірақ оның нақты қай уақытта Пхеньянға баратыны жөнінде әзірге ешқандай ресми ақпарат жарияланбаған.

Жалпы, Ши Жиңпиң билік басына келгелі бері бір де бір рет Солтүстік Кореяға ресми іс-сапармен бармаған. Ал Ким Жоң Ун бұған дейін Бейжіңге бір рет бейресми іс-сапармен келген.

Естеріңізге салайық, бұған дейін Ақ үй әкімшілігі Дональд Трамп пен Ким Жоң Ун маусым айында кездесуі мүмкін деген ақпарат таратқан. Ал күні кеше АҚШ Орталық барлау басқармасының директоры Майк Помпео Дональд Трамптың тапсырмасы бойынша Пхеньянда Ким Жоң Унмен құпия кездесу өткізген.

“The Qazaq Times”