ترامپ پەن ابە اراسىندا «قىزۋ كەڭەس» ءوتىپ جاتىر

بۇگىن اقش پرەزيدەنتى دونالد ترامپ جاپونيانىڭ باس ءۋازىرى (پرەمەر-ءمينيسترى) شيندزو ابەمەن (سيندزر ابە/ Shinzo ابە)كەزدەستى. اق ءۇي مالىمەتىنە قاراعاندا، ترامپ پەن ابە اراسىنداعى كەلىسسوز «وتە بەلسەندى» تۇردە ءوتىپ جاتىر ءارى كەلىسسوز كەزدەسۋى ەكى كۇنگە ۇلاسادى. بۇل تۋرالى VOA اقپاراتتىق اگەنتتىگى حابارلادى.

اق ءۇيدىڭ ءباسپاسوز مالىمدەمەشىسى دۇيسەنبى كۇنگى مالىمدەمەدە، ەكى باسشى اراسىنداعى كەلىسسوز تاقىرىبى سولتۇستىك كورەيامەن بولاتىن كەلىسسوزگە دايىندالۋ نەگىزىندە وتەتىنىن ايتقان ەدى. وعان قوسا اقش-جاپونيا اراسىنداعى ساۋدانى دامىتا ءتۇسۋ تۋرالى دا كەڭەسپەك.

شيندزو ابە ترامپپەن بۇعان دەيىن دە كەزدەسكەن. ءتىپتى، ترامپ اق ءۇي تورىنە وتىرعاننان بەرى ەڭ كوپ رەت كەزدەسكەن شەتەلدىك ليدەر. سولتۇستىك كورەيا ماسەلەسى ەكى ەل باسشىسىن دا ورتاق الاڭداتاتىن ماسەلە. ەندى مىنە، اقش پرەزيدەنتى سولتۇستىك كورەيا باسشىسى كيم جوڭ ۋنمەن تاريحي كەزدەسۋ وتكىزۋگە دايىندالىپ وتىر.

جاپون باس ءۋازىرى ترامپ پەن كيم اراسىنداعى كەزدەسۋدەن بۇرىن، اق ءۇي باسشىسىمەن الدىن-الا كەزدەسۋ وتكىزىپ، ماڭىزدى ماسەلەلەر تۋرالى كەڭەسۋدى ءۇمىت ەتكەن. ول جانە ترامپقا كەزدەسۋدەن بۇرىن اقش تارابى ءوزىنىڭ سولتۇستىك كورەياعا قىسىم ءتۇسىرۋ ۇستانىمىندا جالعاستى تۇرادى جانە سولتۇستىك كورەيانىڭ يادرولىق قارۋلارى مەن زىمىران سىناقتارىن ءبىرجولا توقتاتادى دەپ ۇمىتتەنەتىنىن مالىمدەگەن ەدى.

قۇراما شتات پەن جاپونيا باسشىلارى اراسىنداعى كەزدەسۋدىڭ تولىق مازمۇنى تۋرالى قازىرگە ناقتى مالىمەت جوق.

“The Qazaq Times”