ارمەنيا وپپوزيتسياسى «بارقىت رەۆوليۋتسياسىن» باستايتىندىعىن مالىمدەدى.

ءساۋىر ايىنىڭ 17-ءى كۇنى ارمەنيا وپپوزيتسياسىنىڭ كوشباسشىسى نيكول پاشينيان پوليتسيا قىزمەتكەرلەرىنىڭ قارسىلىق اكتسياسىن توقتاتۋعا شاقىرعان قۇجاتىن كوپشىلىك الدىندا جىرتىپ تاستاپ، «ارمەنيا رەۆوليۋتسيالىق جاعدايعا ءوتتى. مەن وسى جەردە جانە ءدال قازىر «بارقىت رەۆوليۋتسياسىنىڭ» باستالعانى جونىندە مالىمدەيمىن» - دەگەن.

ەستەرىڭىزگە سالايىق، 16 ءساۋىر كۇنى ەرەۆان قالاسىندا وپپوزيتسيا وكىلدەرى ەكس-پرەزيدەنت سەرج سارگسياننىڭ پرەمەر-مينيستر بولىپ تاعايىندالۋىنا قارسىلىق ءبىلدىرىپ، ەرەۋىلگە شىققان. پوليتسيا قىزمەتكەرلەرى باستاپقىدا كونستيتۋتسيالىق سوت عيماراتىنىڭ الدىندا جينالعان حالىقتى بەيبىت تۇردە تاراتپاق بولعان. الايدا وپپوزيتسيا وكىلدەرى مەن پوليتسيا اراسىندا قاقتىعىس ورىن الىپ، سالدارىنان 33 ادام ءتۇرلى دەنە جاراقاتتارىمەن اۋرۋحاناعا جەتكىزىلىپ، 30-عا تارتا ادام تۇتقىندالعان.

“The Qazaq Times”