فوتو: Minval.az

كۇنى كەشە فرانتسيا پرەزيدەنتى ەممانۋەل ماكرون ءسۇريادا ۇيىمداستىرىلعان شابۋىل ارقىلى رەسەي مەن تۇركيا اراسىنداعى قارىم-قاتىناستى بۇزعانىن ايتقان ەدى. بۇگىن كرەمل ماكروننىڭ وسى مالىمدەمەسىنە جاۋاپ قايتارىپ، ونىڭ سوزدەرىن تەرىسكە شىعاردى.
رەسەي پرەزيدەنتىنىڭ ءباسپاسوز حاتشىسى دميتري پەسكوۆ سۇرياعا قارسى جاسالعان شابۋىلدىڭ رەسەي مەن تۇركيانى ء(بىر-بىرىنەن) ايىرماعانىن ايتتى. پەسكوۆ: «ماسكەۋ مەن انكارانىڭ كوپتەگەن ماسەلەلەردە مۇلدە كەرەعار كوزقاراستا ەكەنىن كوپشىلىك بىلەدى. بۇل ەشكىم ءۇشىن سىر ەمەس. الايدا، بۇل جاعداي پىكىر الماسۋعا نەمەسە ەكىجاقتى كەزدەسۋلەرىمىزدە وسى وزگەشەلىكتەر تالقىلاۋدى جالعاستىرۋىمىزعا كەدەرگى ەمەس. ەڭ ماڭىزدىسى — وسى وزگەشەلىكتەر، ءىرى ەكونوميكالىق جوبالار مەن وزگە دە ءتۇرلى جوبالاردا ىنتىماقتاستىعىمىزدى جان-جاقتى دامىتۋىمىزعا اسەر ەتپەيدى» ، - دەدى.

“The Qazaq Times”