فوتو: EADaily

تۇركىمەنستاندا وتىزعا تولماعان ەر-ازاماتتتارعا شەتەلگە ساياحاتقا شىعۋعا تىيىم سالىندى. ەندى جاستارى وتىزعا جەتپەگەن جىگىتتەر ەل شەكاراسىنان اتتاپ شىعا المايدى. بۇل تۋرالى ازاتتىقتىڭ تۇركىمەنستان قىزمەتى تر كوشى-قون قىزمەتىنە سىلتەمە جاساپ حابارلادى.
حابارعا سايكەس، شەنەۋنىكتەر بۇل شارانىڭ تۇركىمەنستان ازاماتتارىنىڭ قاۋىپسىزدىگى ءۇشىن قولعا الىنعانىن ايتقان. سوڭعى ايدا ازاماتتاردىڭ شەتەلگە شىعۋلارىنا، ونىڭ ىشىندە ءبىرىنشى كەزەكتە تۇركياعا شىعۋلارىنا كەدەرگىلەر كوبەيگەن. سونىمەن قاتار، بيلىك ارقىلى شەتەلدە جۇرگەن ازاماتتاردىڭ تۇركىمەنستانعا قايتارىلۋلارىنا قاتىستى وقيعالار دا كوپ تىركەلگەن. ونىڭ ىشىندە شەتەلدىك وقۋ ورىندارىندا وقيتىن ءارى سول ەلدەردە جۇمىس ىستەپ جۇرگەن ستۋدەنتتەردى ەلگە قايتارۋعا قاتىستى كوپتەگەن شارا قولدانعان.

“The Qazaq Times”