قازاقستان ءسۇريا ماسەلەسىندە رەسەيدى قولدامادى

قازاقستان ءسۇريا ماسەلەسىندە رەسەيدى قولدامادى.

ءساۋىر ايىنىڭ 14-ءى كۇنى وتكەن بىرىككەن ۇلتتار ۇيىمى قاۋىپسىزدىك كەڭەسىنىڭ توتەنشە وتىرىسىندا قازاقستان ءسۇريا ماسەلەسىنە بايلانىستى ۇسىنعان رەسەي قارارىن قولدامادى. اقش، ۇلىبريتانيا جانە فرانتسيانىڭ سۇرياعا جاساعان اۋە شابۋىلىن سىنعا العان قاراردى رەسەي، قىتاي جانە بوليۆيا ۇشتىگى قولداپ، قالعان سەگىز مەملەكەت قارسى شىققان. ال قازاقستان، پەرۋ، ەكۆاتورلىق گۆينەيا جانە ەفيوپيا داۋىس بەرۋدە قالىس قالعان.

ەستەرىڭىزگە سالايىق، ءساۋىر ايىنىڭ 14-ءى كۇنى اقش، ۇلىبريتانيا جانە فرانتسيا قارۋلى كۇشتەرى ءسۇريانى اۋەدەن شابۋىلداعان بولاتىن. اقش رەسمي وكىلدەرىنىڭ حابارلاۋىنشا، شابۋىل بارىسىندا سۇرياعا قاراتا 100-گە جۋىق قاناتتى زىمىران اتىلعان.

“The Qazaq Times”