فوتو: www.bbc.com

فەدەرالدى بارلاۋ اگەنتتىگىنىڭ (Federal Bureau of Investigation, FBI) بۇرىنعى باسشىسى دجەيمس كومي، الداعى اپتا نارىققا شىعارىلاتىن كىتابىندا ءوزىن قىزمەتىنەن بوساتقان اقش پرەزيدەنتى دونالد ترامپتى «مادەنيەتسىز جانە ناعىز مەنمەن» دەپ جازعان. بۇل تۋرالى www.bbc.com اگەنتتىگى حابارلاۋدا. 

ول ترامپتى ءوز «مەنىنىڭ» قۇلى، مافيانىڭ اكەسىنە تەڭەگەن. ترامپتى قولداۋشى رەسپۋبليكاشىلار اتالعان كىتاپقا «وتىرىككە تولى جانە ءوش الۋ ماقساتىندا جازىلعان» دەپ، ينتەرنەتتە lyincomey (وتىرىكشى كومي) دەگەن سايت اشىپ، وعان قارسى شىعۋدا.

كومي، ترامپ بيلىگىن ورتەنگەن ورمانعا تەڭەگەن. ءارى ۇكىمەتتەگى وزگە دە «مادەنيەتتى» ساياساتكەرلەر سول ورماندى ورتتەن قۇتقارا الماعان دەپ جازعان. امەريكالىق «Washington Post» باسىلىمىندا الداعى اپتا نارىققا شىعارىلاتىن كىتاپ ۇزىندىلەرىندە كوميدىڭ فبا باسشىسى بولىپ تۇرعان كەزىندەگى كوپتەگەن قۇپيالاردى اشقانى جازىلعان.

“The Qazaq Times”