اقش قازاقستاندى يمپورتتىق پرەفەرەنتسيالاردان ايىرۋى مۇمكىن

اقش قازاقستان ءۇندىستان جانە يندونەزيانى يمپورتتىق پرەفەرەنتسيالاردان ايىرۋى مۇمكىن – دەپ حابارلايدى The Business Times گازەتى.

باسىلىم مالىمەتىنشە، اقش ساۋدا كەڭسەسىنىڭ وكىلدەرى كوممەرتسيالىق كەڭسەسىنە قازاقستان، ءۇندىستان جانە يندونەزياعا بەرىلەتىن يمپورتتىق جەڭىلدىكتەردى توقتاتۋعا بايلانىستى ۇسىنىس جاساعان.  ولاردىڭ بۇنداي ۇسىنىس جاساۋىنا ءۇندىستان مەن يندونەزيانىڭ پرەفەرەنتسيا جۇيەسىنىڭ زاڭدارىن اياقاستى ەتىپ وتىرعاندىعى مەن قازاقستاننىڭ اتالمىش جۇيە زاڭدارىنا باعىنباي جۇمىسشىلار قۇقىعىن بۇزىپ وتىرعاندىعى سەبەپ بولعان. بۇدان بولەك اقش كاسىپوداقتار فەدەراتسياسى قازاقستاندى «حالىقارالىق جۇمىسشىلار قۇقىعىن قورعاۋ زاڭىن جۇزەگە اسىرۋ ءۇشىن ءتيىستى قادامدار جاسامادى» - دەپ ايىپتاعان. ەگەر اقش كوممەرتسيالىق كەڭەسى اتالمىش ۇسىنىستى قابىلدايتىن بولسا، وندا قازاقستان، ءۇندىستان جانە يندونەزيا امەريكا نارىعىنا باج سالىعىنسىز تاۋار تاسىمالداۋ قۇقىعىنان ايىرىلادى.

اقش ساۋدا كەڭسەسى تاراتقان مالىمەت بويىنشا، قازىرگى تاڭدا ءۇندىستان اقش-تان 5,6 ملرد دوللار، يندونەزيا 2 ملرد دوللار، قازاقستان 145 ميلليون دوللار پرەفەرەنتسيالىق كومەك الۋدا.

“The Qazaq Times”