اساد رەجيمى قاشا باستادى: ولار اسكەري بازالاردى بوساتۋدا

«باشار اساد رەجيمى مەن يراننىڭ قولداۋىنا يە شەتەلدىك تەرروريستەر توبى اقش تاراپىنان جاسالۋى مۇمكىن شابۋىلعا بايلانىستى شام مەن حاماستاعى اسكەري بازالارىن تاستاپ كەتۋدە. اسكەري جابدىقتار اۋەجايلارعا جەتكىزىلىپ، زىمىران رامپالارى مەن وق-دارىلەر ليۆان شەكاراسىنداعى اۋىلدىق جەرلەرگە اپارىلۋدا" ، - دەپ حابارلايدى «internethaber.com» اقپارات اگەنتتىگى.

اساد رەجيمى شامنىڭ شەت ايماقتارى مەن حاماستا ورنالاسقان اسكەري بازالارداعى سوعىس جابدىقتارى مەن قۇرىلعىلارىنىڭ ورنىن اۋىستىرۋدا. شامنىڭ سولتۇستىك-شىعىسىنداعى كالامان ايماعىندا ورنالاسقان دۋمەير جانە ءاس-سين بازالارىنداعى يراننىڭ قولداۋىنا يە شەتەلدىك تەرروريستەر، ليۆان شەكاراسىنا قاراي بەت العان. وسى بازالارداعى اسكەري جابدىقتاردىڭ ءبىر بولىگى شامداعى ازاماتتىق اۋەجايلارعا جونەلتىلىپ، زىمىران رامپالارى مەن وق-دارىلەردىڭ جارىلۋ قاۋپى بولعاندىقتان، اۋىلدىق ايماقتارعا تاراتىلۋدا.

اقش پەن ونىڭ وداقتاستارى تاراپىنان بولۋى مۇمكىن اسكەري قيمىلدارعا قارسى اسكەري بازالارىنداعى ۇشاقتارىن قورعاۋعا تىرىسقان اساد رەجيمى، IL-76 جانە SU ۇلگىدەى ۇشاقتارىن لاتاكيادا رەسەي تاراپىنان پايدالانىلعان حمەيميم بازاسى مەن حاما اسكەري اۋەجايلارىنا جىبەرگەنى ءمالىم بولدى.

“The Qazaq Times”