فوتو: akorda.kz

ەلباسى نۇرسۇلتان نازارباەۆ كۇن سايىن لاتىن ءالىپبيىن جازىپ، جاتتىعادى. بۇل تۋرالى ول بۇگىن «گۋمانيتارلىق جاڭا ءبىلىم. قازاق تىلىندەگى 100 جاڭا وقۋلىق» جوباسى اياسىندا وتكەن كىتاپ تانىستىرىلىمىندا ايتتى.

ونىڭ سوزىنشە، قازاق ءالىپبيىنىڭ لاتىن كەستەسىنە ءوتۋى ەلىمىز ءۇشىن ۇلكەن ماڭىزعا يە . ن.نازارباەۆ قازاقستاننىڭ تاۋەلسىز، ەگەمەن مەملەكەت رەتىندە ءوز ءالىپبيى مەن ءوز جازۋىن تاڭداعانىن، كەز كەلگەن ەلدە مۇنداي وقيعانىڭ وتە ماڭىزدى ءارى ۇمىتىلماس قۇبىلىس بولىپ سانالاتىنىن ايتتى.

«ءبىز بۇل قادامعا قازاقستاننىڭ الەمدىك كوشباسشىلاردىڭ قاتارىنا كىرە الۋى ءۇشىن، ءتىلىمىزدىڭ دامۋى ءۇشىن باردىق. ءبىز جاڭا ءالىپبيىمىزدى بىرتىندەپ ەنگىزە بەرۋىمىز كەرەك. ءوز باسىم اباي اتامىزدىڭ سوزدەرى مەن ءوز ويلارىمدى كۇندەلىكتى لاتىن الىپبيىندە جازىپ جۇرەمىن. مەنىڭشە، بۇل اسا قيىن ەمەس» ، - دەدى پرەزيدەنت.

“The Qazaq Times”