اسكەري كۇشى جوعارى ەلدەردىڭ رەيتينگىسى جاريالاندى

«Global Fire Power» پورتالى حالىقارالىق اسكەري كۇشتەرگە قاتىستى 2018 جىلعا ارنالعان كەزەكتى رەيتينگتىك-ەسەبىن جاريالادى. مۇنداي رەيتينگتى جاساۋدا 50-دەن استام فاكتور نازارعا الىنىپ، الەم ەلدەرىنىڭ 2/3-تەن استامى قاتىستىرىلادى ەكەن.

العاشقى ۇشتىك ۇزاق ۋاقىتتان بەرى ەشقانداي وزگەرىسسىز كوش باستاپ كەلەدى. ولار — ءبىرىنشى ورىندا — اقش، ەكىنشى ورىندا رەسەي، ال ءۇشىنشى ورىندا قىتاي.

اقش-تىڭ قارۋلى كۇشتەرىندە 2 363 675 مىڭ ادام, 13 762 مىڭ اۆياتەحنيكا بىرلىكتەرى مەن 5 884 تانكىگە يە. ال قورعانىس بيۋدجەتى 587.8 ملرد. دوللاردى قۇرايدى. رەسەيدە 3 371 027 اسكەر, 3 794 اۆياتەحنيكا جانە 20 216 تانك بار. قورعانىس سالاسىنىڭ شىعىندارى 44, 6 ملرد. دوللاردى قۇرايدى. ال قىتاي ارمياسىندا 3 712 500 اسكەري, 2 955 اۆياتەحنيكا بىرلىكتەرى, 6 457 تانك بولسا، قورعانىس بيۋدجەتى 161, 7 ملرد. دوللارعا تەڭ ەكەن.

اتالعان پورتال رەيتينگ قۇراۋ كەزىندە تومەندەگىدەي فاكتورلاردىڭ باسشىلىققا الىنعانىن دا جاسىرمادى:

1. يادرولىق قارۋلار ەسەپتەلمەيدى. تەك كادىمگى قارۋلار ەسەپكە الىنادى. الايدا، يادرولىق قارۋى بار ەلدەر رەيتينگ ءتۇزۋ بارىسىندا بەلگىلى ءبىر بونۋسقا يە بولا الادى.
2. ءتىزىم جاساۋدا ءار ەلدەگى قارۋ سانى ەسەپتەلمەيدى. تەك قارۋدىڭ ارتۇرلىلىگى مەن ساپاسىنا ءمان بەرىلەدى.
3. گەوگرافيالىق پارامەترلەرى، ينفراقۇرىلىمدارى مەن تابيعي رەسۋرستارى دا اسەر ەتەدى.
4. حالىق سانى مەن جۇمىس كۇشى دە اقتىق باعالاۋ كەزىندە نازاردان تىس قالمايدى. قاي ەلدىڭ حالىق سانى كوپ، سايكەسىنشە سول ەلدىڭ رەيتينگ باسىندا تۇرۋ مۇمكىندىگى جوعارى.
5. شەكاراسىندا تەڭىزى جوق ەلدەرگە فلوت بولماعانى ءۇشىن سالىق سالىنبايدى. ال اسكەري-تەڭىز قارۋ-جاراقتارىنىڭ ءتۇرى شەكتەۋلى ەلدەرگە سالىق سالىنادى.
6. كەز كەلگەن ەلدىڭ اعىمداعى اسكەري-ساياسي باسشىلىعى نازارعا الىنبايدى.

سونىمەن قاتار، وسى ءتىزىمدى جاساۋ بارىسىندا ءاربىر ەلدىڭ اسكەري سالاسىنىڭ تەحنولوگيالىق تۇرعىدان قانشالىقتى الدا ەكەندىكتەرى، اسكەري مايداندا قانشا مەرزىمگە دەيىن قالا الۋ مۇمكىندىكتەرى بار ەكەنى جانە اسكەري وپەراتسيالار كەزىندەگى قابىلەتتەرى دە ەسكەرىلگەن.  60 ەلدەن تۇراتىن وسى تىزىمدە قازاقستان 54-ءشى ورىندا تۇر.

سونىمەن قاتار، ءار ەلدىڭ اسكەري بولىمشەلەرى، اسكەرلەرىنىڭ جابدىقتالۋى دا ءارتۇرلى بولاتىنى راس. تومەندە سونداي اسكەري بىرلىكتەردىڭ ەڭ ەرەكشە دەگەندەرىن وزدەرىڭىزبەن بولىسپەكپىز.

دانيا ارنايى كۇشتەرى

تايۋان (تايۆان) ارنايى كۇشتەرى

پەرۋ ارنايى كۇشتەرى

كانادا انتي-تەررورلىق ارنايى كۇشتەرى

نورۆەگيا ارنايى كۇشتەرى

فرانتسيا اسكەري-تەڭىز كومماندوسى

يرلانديا اسكەري گۆاردياسى

يراك ارنايى كۇشتەرى

فرانتسيا ارنايى كۇشتەرى

امەريكا ارنايى وپەراتسيا كومماندوسى

امەريكا اسكەري-تەڭىز كۇشتەرى

“The Qazaq Times”