استانادا ەر ادام جاۋىنگەرلىك وقپەن ۇستالدى

5-ءساۋىر كۇنى استانادا ەر ادام وقپەن ۇستالدى دەپ حابارلادى ۇلتتىق ۇلان ءباسپاسوز قىزمەتى. 

ۇلتتىق ۇلان جاۋىنگەرلەرى قوعامدىق ءتارتىپ كۇزەتى كەزىندە بايسەيىتوۆا-قاراساي باتىر كوشەلەرىنىڭ قيىلىسىنان كۇدىكتى ازاماتتى كەزدەستىرەدى. ول اسكەريلەردى كورگەن بويدا، باعىتىن دەرەۋ وزگەرتىپ كوزدەن تاسا بولۋعا تىرىسادى. الايدا، 5573 اسكەري ءبولىمىنىڭ اسكەريلەرى ونى توقتاتىپ، تەكسەرۋدى ءجون كورەدى.

ۇستالۋ كەزىندە 1977 جىلى تۋعان پولياكوۆ سەرگەي ۆلاديميروۆيچ ماساڭ كۇيدە بولعاندىقتان، جاقىن ماڭداعى №21 پوليتسيا پۋنكتىنە جەتكىزىلەدى. تەكسەرۋ بارىسىندا ونىڭ قالتاسىنان 7,62 كاليبرلى جاۋىنگەرلىك وق پەن 4 ۇيالى تەلەفون تابىلدى.

كۇدىكتى ازامات سارىارقا اۋداندىق ىشكى ىستەر باسقارماسىنا جىبەرىلىپ، ونىڭ ۇستىنەن قازاقستان رەسپۋبليكاسى قىلمىستىق كودەكسىنىڭ 287 بابى بويىنشا – زاڭسىز قارۋ نەمەسە وق-ءدارى ساقتاعانى ءۇشىن قىلمىستىق ءىس قوزعالدى. اتىلمىش فاكت سوتقا دەيىنگى تەرگەۋلەردىڭ بىرىڭعاي رەەستىرىنە تىركەلدى.

“The Qazaq Times”