بۇگىن بريتانيالىق پوليتسيا قىزمەتكەرلەرى سكريپالدەردى ۋلادى دەگەن كۇدىكپەن ەكى ورىس ازاماتىن ۇستادى. «Reuters» اگەنتتىگىنىڭ مالىمەتىنشە، ۇستالعان قوس كۇدىكتى الەكساندر پەتروۆ پەن رۋسلان بوشيروۆ رەسەي ازاماتى جانە بولعان وقيعاعا قاتىستى ەكەۋىنىڭ كىناسىن دالەلدەيتىن ايعاقتار جەتەرلىك.
بىرىككەن كورولدىك پروكۋراتۋراسى رەسەيلىك ازاماتتاردى ەكستراداتسيالاۋدى سۇرامايمىز، بىراق ءىستىڭ اق-قاراسىن اجىراتىپ، ءتيىستى قاتاڭ جازا قولدانامىز دەدى.
ايتا كەتەيىك، وسى جىلى 4 ناۋرىزدا رەسەي فەدەراتسياسى بارلاۋ قىزمەتىنىڭ بۇرىنعى قىزمەتكەرى سەرگەي سكريپال مەن قىزى يۋليا سكريپال «نوۆيچوك» جۇيكە-سال اۋرۋىن تۋدىرۋشى زاتتەگى ارقىلى ۋلانعان بولاتىن. اسا قاۋىپتى حيميالىق قارۋدىڭ رەسەيدە جاسالىنعانى انىقتالىپ، اقش پەن ۇلىبريتانيا بۇل ىستە تىكەلەي رەسەيدى ايىپتادى. اتالعان وقيعادان سوڭ 30 ماۋسىمدا ۇلىبريتانيانىڭ ەيمسبەري قالاسىنداعى ۇيدە ەرلى-زايىپتى چارلي روۋلي مەن دون ستەردجەسس تە ءدال وسى زاتتەكپەن ۋلانعانى بەلگىلى بولدى.
قازىرگى ۋاقىتتا ەكى كۇدىكتى قاتاڭ باقىلاۋدا. بۇگىنگى كۇنگە دەيىن وزىنە تاعىلعان ايىپتى ەش مويىنداماي كەلگەن رەسەيدىڭ ەندىگى ارەكەتىن الداعى ۋاقىتتا بىلەتىن بولامىز.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى